दिनांक ३१ मार्च २००६ रोजी आई-दादांच्या लग्नाचा सुवर्णमहोत्सव साजरा झाला. घरासमोरच सुवर्णमहोत्सवाचा मंडप उभा राहिला होता. सारे व-हाडी सकाळपासूनच यायला सुरुवात झाली. आई-दादांचे सर्व ज्येष्ठ-कनिष्ठ नातेवाईक / हितचिंतक / मित्रमंडळी, झाडून सारे, या सुवर्णमहोत्सव सोहोळ्याला उपस्थित होते.

सकाळीच सत्यनारायणाचे आशीर्वाद घेऊन उभयता, व-हाड्यांचे स्वागत करायला तप्तर होते. संध्याकाळी दोघांचेही पुन्हा लग्न लावण्यात आले. सर्व व-हाड्यांनी जल्लोषात हा सुवर्णमहोत्सव साजरा करताना दांपत्याला शुभेच्छा दिल्या. सुहासिनींनी ५० दिव्यांची आरती ओवाळून उभयतांचे औक्षण केले. ज्येष्ठांनी दोघांना शुभाशिर्वाद दिले.

यावेळी भेळपुरी, शेवपुरी, दहीपुरी आणि पाणीपुरीची पंगत बसली होती.